"Суырып салма ақын Ақан сері Қорамсаұлы " дөңгелек үстелі

17 мамырда Қазақ тілінің оқытушысы А.Т. Серікова қазақтың ұлы ақыны, әншісі және композитор Ақан Сері Қорамсаұлының туғанына 180 жыл толуына орай "Суырып салма ақын Ақан сері Қорамсаұлы" атты дөңгелек үстел өткізді. Іс-шара жас ұрпақ арасында қазақ халқының ұлттық құндылығы-Ақан сері бай ән шығармашылығын дәріптеу мақсатында ұйымдастырылды. Дөңгелек үстел барысында "Маңмаңгер", "Қараторғай", "Балқадиша" сияқты Ақан сері әндері тыңдалды, сондай-ақ өнері әлемге әйгілі болған осы қазақ ақынының өмір жолы туралы "Ақан сері" деректі фильмі көрсетілді. Сондай-ақ Ақан Сері "Құлагер" поэмасынан үзінділер мен "Қыз сипаты"өлеңі оқылды.

Ақан Сері жасаған шығармаларда қазақ композиторлары мен орындаушыларының бірнеше буыны тәрбиеленген. Атаулы күндерге арналған осындай іс-шараларды өткізу Қазақ әдеби мұрасын, ұлттық өнердің ұлы қайраткерлерінің рөлін тереңірек зерттеуге, мәдени құндылықтар мен мемлекеттік тілдің маңыздылығын атап өтуге көмектеседі.